Rajoni

Temperatura rekord në Greqi, qeveria në gatishmëri


Bëhu pjesë e Grupit Zyrtar të Opinion.al
>> KËTU <<
               Publikuar në : 12:11 - 02/08/21 |
Opi Nion

Temperatura rekord janë parashikuar gjatë gjithë kësaj jave në shtetin fqinj, Greqinë.

Sipas meteorologëve në shumë zona qendrore temperaturat do të arrijnë deri në 47 gradë. Vala e nxehtë që ka goditur gjithë vendin, akoma dhe zonat malore që nga fundjava pritet të zgjatë gjatë gjithë kësaj jave, duke arritur temperatura rekord të 40 viteve të fundit, theksojnë mateorologët grekë.

Teksa fenomeni tepër i rrezikshëm ka shkaktuar shqetësim të lartë, qeveria greke është në gatishmëri të aktivizimit të situatës së jashtëzakonshme, ndërsa për sot dhe deri të enjten ka udhëzim të posaçëm për ndalimin e punës nga punëtorë që janë të ekspozuar në ambiente të jashtme, si në sektorin publik ashtu dhe privat, duke u fokusuar kryesisht në orarin 12.00-16.00.

Bëhet me dije se në gatishmëri janë edhe zjarrfikësit, pas alarmit të meteorologëve për kushte favorizuese të zjarreve masive. Ditët e fundit Greqia ka pasur mbi 50 vatra zjarri si në pjesën kontinentale ashtu dhe në ishujt e vendit.

Banorët dhe turistët e vendit kanë pushtuar plazhet, në kërkim të freskisë, ndërsa në qendrën turistike të Athinës shkrin asfalti nga orët e para të ditës. Moti i nxehtë pritet të bëjë një “pushim” të vogël në fundjavën e ardhshme, duke u rikthyer sërish nga java tjetër, por pa të njëjtin intensitet./Opinion.al

Pas