Kjo fundjavë sjell temperatura pranverore edhe pse jemi në mes të muajit shkurt. Sipas meteorologut Hakil Osmani, nga Meteoalb, temperatura maksimalet këtë fundjavë do të mbërrijnë në 18 ose 19 gradë Celsius.
Por, sipas tij ditën e dielë do të jenë më të shpeshta vranësirat duke sjellë rreshje të pakta dhe të izoluara në zonat veriore të vendit dhe pjesërisht në ato qëndrore.
“Edhe pse jemi në muajin shkurt kjo fundjavë sjell temperatura pranverore. Ditën e dielë do të jenë më të shpeshta vranësirat në territorin shqiptar ku në orët e pasdites dhe mbrëmjes pritet që vranësirat herë pas here të pësojnë zhvillime duke sjellë reshje të pakta dhe të izoluara në zonat veriore dhe pjesërisht atë qëndrore.
Përsa i përket parametrit të erës pritet që era të pësojë një fuqizim të përkohshëm në orët e mbrëmjes së ditës së shtunë dhe mëngjesin e ditës së dielë duke bërë që të ketë shpejtësi 45 km në orë duke sjellë në det një dallgëzim deri në 2-3 ballë”, tha Osmani./Opinion.al
