Kryesore

Teliti i kthehet Ramës për borxhin: E rritët dhe e përdorët për konçesione


Bëhu pjesë e Grupit Zyrtar të Opinion.al
>> KËTU <<
               Publikuar në : 09:58 - 14/10/20 |
Al Do

Borxhi publik është kthyer sot në objekt replike midis mazhorancës dhe opozitës. Pasi kryeministri Rama publikoi shifrat që sipas tij tregojnë uljen e borxhit dhe rritjen e investimeve, ka ardhur edhe reagimi nga kampi blu.

LEXO EDHE: Rama publikon shifra: Ulëm borxhin publik dhe rritëm investimet

Drejtori i kabinetit dhe eksperti i ekonomisë në PD, Dorjan Teliti akuzon qeverinë dhe kryeministrin Rama se nga viti 2014 deri në 2020, ka rritur borxhin me 29%.

Borxhin publik e rritet ju dhe e përdorët për koncesione klienteliste, tendera pa gare, lukse zyrash e udhëtime me charter. Jeni ju që rritet taksat me 2.1 miliardë euro në 7 vite dhe braktisët ekonominë edhe në kohë pandemie.”, shkruan Teliti.

Në statusin e tij në Facebook, përfaqësuesi i Partisë Demokratike publikon shifrat sipas të cilave borxhi publik gjatë qeverisjes së Partisë Demokratike u rrit me nga 58 në 68% të Prodhimit të Brendshëm Bruto por ai shton se gjatë kësaj periudhe ata ulën taksat dhe rritën pensionet.

Ndërsa gjatë periudhës 2014-2020, sipas shifrave të publikuara nga Dorian Teliti, borxhi publik u rrit me 29% të PBB-së dhe aktualisht është 97% e PBB-së

2006-2013 borxhi publik u rrit me vetem 10% të PBB-së (përfshirë detyrimet e prapambetura), me të cilat u ndërtuan dhjetëra spitale, qindra shkolla, mijëra km akse rrugore, përfshirë këtu rrugën e kombit. 2006-2013 ulëm taksat dhe rritëm pagat e pensionet.

Ndërsa 2014-2020, borxhi u rrit me 29% të PBB-së (përfshirë detyrime të prapambetura dhe PPP) dhe i vetmi investim i plotë që keni kryer është bypass Fier prej 22km. Familjet shqiptare sot kanë një borxh 50% më të lartë sesa 7 vite më parë.”, shkruan Teliti. /Opinion.al

Pas