Kryeministri Edi Rama ka treguar sot se ka pasur një komunikim telefonik me ish-Presidentin e Kosovës, Hashim Thaçi.
Kujtojmë se Thaçi ndodhet prej më shumë se 4 vitesh në paraburgim në Hagë.
Përmes një fotoje të publikuar në rrjete sociale, Rama thotë se telefonata e vëllaut të tij Hashim ishte tejet prekëse dhe sipas tij Thaçi ishte në formën e vet më të mirë.
“Telefonata e vëllaut tim Hashim ishte tejet prekëse dhe Komandanti ishte në formën e vet më të mirë”,shkruan Rama përkrah fotos.
Gjithashtu në foton e kryeministrit tërhiqte vëmendjen edhe një letër ose fjalim i lënë përgjys në ekranin e tij të kompjuterit, ku shkruhej:
“Tiranë e dashur, Shqipëri e shtrenjtë…”.
Presim që kryeministri të zbulojë vetë se për çfarë bëhet fjalë, ndërkohë kujtojmë se kjo telefonatë me ish kreun e UÇK-së vjen në prag fitoreje, pasi deri më tani PS renditet forca e parë politike me 52.66% të votave në vend./Opinion.al
