Shefja e spitalit COVID-1, Najada Çomo, ka bërë një kallëzim penal në polici pasi prej disa ditësh po merrte telefonata shqetësuese.
Sipas News 24 çështja po trajtohet nga komisariati numër 4, i cili ka referuar çështjen në prokurori për një 32-vjeçare nga Berati që prej 28 janarit merrte mjeken në telefon. Sipas policisë 32-vjeçarja i ka telefonuar disa herë mjekes për motive të dobëta.
Më datë 15.02.2021, u referuan materialet në Prokurorinë pranë Gjykatës së Shkallës së Parë Tiranë, për shtetasen M. Ç., (S), 32 vjeçe, banuese në Berat, sepse prej datës 28.01.2021 dhe në vazhdim, ka shqetësuar me telefonata të shumta, shtetasen N. Ç“, tha policia në njoftimin e saj zyrtar për rastin në fjalë./Opinion.al
