Ka rezultuar një alarm i rremë, apo më mirë lojë fëmijësh me Policinë, lajmi se një fëmijë ka tentuar të hidhet nga kati i shtatë i pallatit ku banonte në Kamzë pasi luante lojën ‘Balena Blu’.
Gazetarja e “Panorama” Etleva Delia raporton nga vendngjarja, se Policia pasi ka marre njoftimin ne sallen operative, se nje femije ne rrugen Pavaresia ne Kamze po tentonte te hidhej nga pallati, ka bashke me forcat zjarrfikëse kanë rrethuar pallatin dhe pasi nuk kane gjetur gje, kane kontrolluar edhe pallatet e tjera por pa rezultat. Rezultoi alarm fals. Njoftimi i Policisë lidhur me ngjarjen: Më datë 18.06.2017, rreth orës 18:55 në numrin e emergjencave civile 112, ka ardhur një telefonatë se, në katin e 7 të një pallati në Bulevardin Blu në Kamëz, një fëmijë po tenton të vetë hidhet. Menjëherë janë nisur shërbimet e Komisariatit të Policisë Nr 5, Shiponjat si dhe janë vënë në dijeni Shërbimet zjarrfikse. Nga informacionet e marra nga bizneset përreth këtij pallati, banoreve dhe kalimtarëve, nuk ka patur asnjë person në tarrac rreth kohës së telefonatës. Specialistët e Komisariatit të Policisë Nr 5 po bëjnë verifikimet e nevojshme mbi telefonatën e rreme të ardhur në linjën e emergjencave civile.
