Një pajisje e re mund të bëhet shpresa më e fundit e pacientëve në koma. Pajisja e fokuson energjinë akustike në një zonë specifike të trurit, duke e stimuluar intensivisht.
Kjo teknikë është përdorur në trurin e një pacienti 25-vjeçar, i cili është zgjuar nga koma. Procedura ka zgjatur 10 minuta dhe gjatë saj, truri i pacientit është ngacmuar me 30 impulse stimuluese.
Para procedurës, pacienti shfaqte shenja minimale të vetëdijes dhe aftësi të kufizuara për të lëvizur. Por tri ditë më pas, ai u bë plotësisht i vetëdijshëm dhe mund të kuptonte e të përgjigjej me po ose jo duke lëvizur kokën.
Kjo teknikë e re do të testohet edhe në pacientë të tjerë dhe pritet të jetë efektive.
Studimi është kryer nga një grup neurologësh të UCLA-s dhe rezultatet janë publikuar në revistën “Brain Stimulation”.
