Me ligjin për shembjen e Teatrit Kombëtar po synohet të vidhet 9 mijë metra katrorë tokë publike dhe të pastrohen 200 milionë euro sipas ish-kryeministrit Sali Berisha.
Në një status në Facebook, Berisha bën përgjegjës kryeministrin Rama, kryebashkiakun Veliaj dhe kompaninë Fusha se po marrin në mënyrë jo të ligjshme tokë publike në mes të Tiranës dhe kjo po bëhet me qëllime klienteliste dhe për të pastruar para.
Ndryshimin e procedurës nga me ligj të posaçëm në tender të hapur Berisha e ironizon dhe shton se “me tender te hapur “transparent” dhe te “ndershëm” truallin publik do ta fitoje dhe mund ta fitoje vetëm kompania Ligjfusha dhe asnjë kompani tjetër sepse vetëm ajo ka aty disa qindra metra toke te veten te blere te privati.”
“Ky është një krim i mirëfillte narkoshtetëror kundër te cilit duhet luftuar me te gjitha mjetet” mbyll Berisha postimin e tij. /Opinion.al
