Të paktën dy persona janë vrarë pas sulmeve që tronditën Teheranin. Eshtë goditur Parlamenti dhe tempulli ‘Khomeini’, (themeluesi i Republikës islamike të Iranit).
“Disa persona të armatosur hapën zjarr brenda Parlamentit iranian dhe një kamikaz ka hedhur veten në erë në mausoleumin e imamit Khomeini në Teheran duke shkaktuar të plagosur”, raporton media shtetërore e Iranit.
Është hera e parë që sulme të njokohëshme në vende të tilla shumë të rëndësishme ndodhin në Teheran.
Në mausoleumin e themeluesit të Republikës islamike të imamit Khomeini në jug të Teheranit, një person i armatosur ka hapur zjarr para se të shpërthente rripin me eksploziv”, theksoi shefi i marrëdhënieve publike të qendrës, Ali Khalili, për agjencinë e lajmeve IRNA.
Në mjediset e Parlamentit, persona të armatosur kanë hapur zjarr duke shkaktuar tre të plagosur. Forcat e sigurisë kanë çaktivizuar dhe një bombë tjetër.
Tempulli dhe Parlamenti janë në një distancë prej 20 kilometrash.
