TEG do të ofrojë 12,000 m2 më shumë për blerje dhe argëtim
Të gjitha njësitë e reja të biznesit janë dhënë me qira
Vijnë marka ndërkombëtare në fushën e veshjes dhe modës
Hapet këndi më i madh i lojërave për fëmijë
Hapesira reklamuese te teknologjise se fundit
Mariola Kuçi, Drejtoresha Ekzekutive e ACREM, kompanisë që menaxhon dy qendrat tregtare më të mëdha në Shqipëri QTU dhe TEG tregon për zgjerimin e kësaj të fundit. Ajo tregon për dyqanet e reja dhe shërbimet që do e pasurojnë qendrën falë një investimi të aksionarëve të TEG, Grupit BALFIN, AAEF dhe FIS.
Qendra tregtare TEG pas 10 viteve është “rritur” duke i zgjeruar hapësirat. Pse ishte i nevojshëm një investim i tillë?
Pavarësisht se TEG ka më shumë se 10 vite që është ndërtuar, mbetet qendra më moderne dhe më e frekuentuar në Shqipëri. Kjo vjen edhe si rrjedhojë e investimeve të herëpashershme që ne kemi realizuar por edhe nga nxitja e vazhdueshme e Presidentit të Grupit BALFIN, Samir Mane, për të aplikuar risitë më të fundit të industrisë sonë dhe për të ofruar më të mirën për klientët.
Investimi më i fundit me realizimin e shtimit të hapësirave të reja është edhe më i rëndësishmi. Nuk bëhet fjalë vetëm për një zgjerim të sipërfaqes por për ndryshime të rëndësishme në konceptimin e qendrës tregtare nga vizitorët dhe blerësit. Pas pandemisë janë vënë re ndryshime të rëndësishme në sjelljen e blerësve dhe ne i kemi marrë për bazë në projektin e ndryshimit të TEG.
Ndryshimet në disa aspekte të stilit të jetës në këto 10 vite dhe ndryshimet që solli pandemia e bënë të nevojshëm këtë investim dhe për ne si ACREM nuk ishte shumë e vështirë të bindnim aksionarët e TEG, Grupin BALFIN, AAEF dhe FIS. Tashmë TEG ka më shumë hapësira tregtare dhe argëtimi apo çlodhje për të gjitha grup-moshat.
Çfare ka ndryshuar ne TEG? Çfarë të rejash ka sjellë ky zgjerim i qendrës?
TEG në mënyrë konstante punon për të zhvilluar dhe integruar koncepte të reja që sjellin përfshirjen dhe argëtimin e vizitorëve të qendrës, të të gjitha kategorive. Ne kemi shtuar hapësirat e argëtimit dhe çlodhjes, hapësirat kushtuar ushqimit dhe kemi shtuar numrin e dyqaneve.
Zgjerimi i zonës së ushqimit, “Food Court” në hapësirën e brendshme, me një interior të veçantë dhe shtimin e zonës së tarracës së jashtme, ka sjellë një stil të ri, produkte të reja gastronomike. Dyqanet e reja që janë hapur dhe ato që pritet të hapin dyert shumë shpejt janë të markave ndërkombëtarë më të njohura. Do kemi një kënd lojërash prej 3000 m2 i cili do jetë i organizuar në hapësira të brendshme, të mbuluara dhe të jashtme. Kjo e bën një ndër kopshtet e lojërave më të madha në vend.
Shumë shpejt do kemi edhe pika karikimi për makinat elektrike për të vijuar mbështetjen që TEG i jep mjedisit dhe përdorimit të teknologjisë. Gjithashtu, nëpërmjet instalimit të paneleve diellore TEG do të jetë pjesërisht i pavarur në prodhimin e energjisë elektrike që i nevojitet.
Një sërë shërbimesh të tjera do të digjitalizohen duke i lehtësuar vizitorëve dhe blerësve eksperiencën e tyre në TEG.
Zgjerimi TEG do të vijë edhe me shtimin e dyqaneve. Do kemi marka të reja që nuk kanë qenë më parë në Shqipëri?
Shtysë për zgjerimin e TEG ka qenë edhe kërkesat nga disa marka të rëndësishme ndërkombëtare për të qenë në Shqipëri. Me këtë dua të konfirmoj që do kemi disa marka shumë të njohura ndërkombëtare në fushën e veshjeve dhe modës që vijnë për herë të parë në Shqipëri. Emrat e këtyre markave do i zbulojmë në momentin e duhur duke respektuar edhe kontratat që kemi me ta.
Në fushën e gastronomisë, një markë ndërkombëtare të cilën mund ta gjeni që tani në TEG është PizzaHut. E pranishme në mbi 100 vende të botës ka zgjedhur ambientet e TEG si stacionim për Shqipërinë.
Blerësve do i ofrohen mbi 10,000 m2 dyqane të reja duke e bërë më të larmishme dhe akoma më të vështirë zgjedhjen brenda në TEG.
Kur parashikohet që dyqanet dhe shërbimet e vendosura në hapësirat e reja do të jenë të gjitha të hapura?
Ne po punojmë bashkërisht me markat që kanë marrë me qira hapësirat tregtare që ti hapim dyert e të gjitha dyqaneve sa më shpejt që të jetë e mundur. Punimet për hapjen e njësive të reja vazhdojnë intensivisht, ndërkohë hapësirat e përbashkëta janë tërësisht funksionale në shërbim të klientëve.
Në shtator do të përurohet këndi i lojërave për fëmijët dhe njësive të reja të zonës së ushqimit, “Food Court”. Punimet do vijojnë përgjatë këtyre muajve deri në muajin mars 2023, ku do jetë dhe faza përfundimtare dhe do shënojë me hapjen e të gjitha njësive, përfshirë dhe kategorinë e dyqaneve të veshjeveve dhe modës.
Sipas jush, çfarë e bën TEG qe te jete qendra më e kërkuar nga qiramarrësit dhe me e frekuentuara nga blerësit?
TEG është qendra tregtare më e madhe në Shqipëri, është destinacioni i preferuar i blerjeve, duke e bërë njëkohësisht dhe qendrën më të frekuentuar me mbi 9.1 milion vizitorë në vit. Pavarësisht kësaj, TEG është gjithmonë në përpjekje për të ofruar më shumë. Më shumë argëtimin, më shumë zgjedhje në gastronomi, më shumë opsione për veshjet me brande ndërkombëtare, më shumë shërbime cilësore dhe të gjitha këto sipas standardeve më të larta dhe eksperiencave më të mira evropiane dhe ndërkombëtare të qendrave tregtare.
Ajo çka e bën TEG të suksesshëm sot është përkujdesja dhe vëmendja karshi blerësve dhe vizitorëve. Ne kujdesemi që ata të marrin më të mirën por edhe i dëgjojmë sugjerimet e tyre dhe preferencat e tyre. Përmirësimet dhe ndërhyrjet bëhen përherë pasi janë dëgjuar dhe analizuar blerësit dhe vizitorët e TEG.
Synimi ynë kryesor është ofrimi i një mjedisi mikpritës, me shërbime të cilësisë së lartë, si për qiramarrësit ashtu edhe për klientët, duke e bërë TEG prej më shume se 10 vitesh destinacionin e preferuar të blerjeve, argëtimit dhe jo vetëm. Ne përkujdesemi që kush vjen në TEG të jetë gjithmonë i lumtur dhe të rikthehet sërish.
