Ministri i Mjedisit, Blendi Klosi ka reaguar pas letrës dërguar nga kryetari i Bashkisë së Korçës, Sotiraq Filo, ku shprehej kundër ndërtimit të TEC-it.
Në një postim në Facebook ministri Klosi u shpreh se ‘TEC-i i Korçës është një zhurmë e politikës së sajesave për sherr’. Sipas tij nuk ka asnjë autorizim e as leje për një ndërtim të tillë.
“TEC-i Korçës një zhurmë tipike e politikës së sajesave për sherr! S’ka asnjë autorizim e asnjë leje jo e jo, po thjesht një miratim në parim si investim strategjik. Për sa kohë s’ka një projekt të standardeve të BE-së, s’ka asnjë shans jo për të nisur punë, po për asnjë autorizim!,”-përfundon reagimin e tij ministri Klosi.
Letra e kryetarit të Bashkisë së Korçës I është drejtuar gjithashtu edhe ministres Belinda Balluku./Xh.K/Opinion.al/
