Siç kishte paralajmëruar më herët, Partia Demokratike ka dorëzuar sot në SPAK padinë për shembjen e Teatrit Kombëtar.
PD shprehet se personat të cilët janë pjesëmarrës në vendimin për shembjen e teatrit duhet të mbajnë përgjegjësi para drejtësisë.
Sipas selisë blu, Kryeministri Edi Rama dhe kryebashkiaku i Tiranës Erion Veliaj kanë shkelur ligjet për të grabitur e tokën publike të teatrit.
KALLËZIMI ËSHTË PËR KRYERJEN E 9 VEPRAVE PENALE TË MËPOSHTME:
- “Shkatërrimi i pronës”, parashikuar nga neni 150 i K.Penal,
- “Shkatërrimi i pronës me mjete të tjera”, parashikuar nga neni 154 i K.Penal, “Shkatërrimi i veprave kulturore”, parashikuar nga neni 160 i K.Penal,
- “Shpërdorimi i detyrës”, parashikuar nga neni 248 i K.Penal,
- “Shkelja e barazise se pjesëmarrësve ne tendera apo ankande publike”, parashikuar nga neni 258 i K.Penal,
- “Korrupsioni pasiv i personave qe ushtrojnë funksione publike”, parashikuar nga
- neni 259 i K.Penal,
- “Korrupsioni pasiv i funksionareve te lartë shtetërorë ose i te zgjedhurve vendore”, parashikuar nga neni 260 i K.Penal,
- “Organizata kriminale”, parashikuar nga neni 333 i K.Penal
- “Kryerja e veprave penale nga organizata kriminale dhe grupi i strukturuar kriminal”, parashikuar nga neni 334 i K.Penal.
KALLËZIMI DREJTOHET KUNDËR:
Edi Rama, Kryeministër i Republikës së Shqipërisë;
Erjon Veliaj, Kryetar i Bashkisë Tirane;
Arbjan Mazniku, Alban Dokushi, Taulant Tusha, Erindi Bejko, Jonida Halili, Julinda Dhame, Ditjon Baboci, Dhimitraq Furxhi, Frida Pashako, Berta Piro, Laura Deliu, Elena Jaupaj, Jetmir Hasa, në cilësinë e nëpunësve civilë pranë Bashkisë Tiranë dhe propozues për shembjen e Teatrit Kombëtar;
Toni Gogu, Kryetar i Këshillit Bashkiak Tiranë;
Ing. Agron Hysenlliu, Ing. Afrim Cenga, Ing. Artur Hasantare, Ing. Olsi Nunaj, Ing. Elbarina Nunaj, në cilësinë e funksionarëve të Institutit të Ndërtimit.
Dallëndyshe Bici, Kryeinspektor i Inspektoratit Kombëtar të Mbrojtjes së Territorit./ Opinion.al
