Kryetari i Bashkisë së Tiranës, Erion Veliaj është i ftuar mbrëmjen e sotme në emision “Opinion” me Blendi Fevziun dhe një panel gazetarësh.
Ai u pyet fillimisht për godinën e Teatrit Kombëtar, për të cilin tha se duhet shembur sepse është një projekt pa vlerë i Italisë fashiste. Duke iu referuar një studimi të arkitektëve të huaj, ai tha se teatri ka qenë ndërtuar me tallazh dhe lëndë të tjera të dëmshme, që ka shkaktuar dëme dhe sëmundje kancerogjene tek artistët e teatrit.
Po kështu, ai tha se teatri i ri do të jetë veç godinë për artin, pa kullë.
“Ne morëm një studim të italianë të bërë në vitin 2012 kur Lulzim Basha ishte kryetar bashkia dhe studim i gjithë profesorëve italianë, thoshte që ky materiali i teatrit i prodhuar është një aglomerat substancash vegjetale, fibra tallashi të drurit të plepit, produkt skarco dhe alga deti të mbrojtur me cimento që lejonte krijimin e produkti jo me përçuecmëri të mirë teknike dhe akustike. Sot jemi në një situatë ku ky projekt sot ka një vendim që tallashi dhe shkrepëset skarco të italisë fashiste nuk përbëjnë monument kulture për Shqipërinë. Këtë na e thonë studuesit italianë”, nënvizoi Veliaj.
