Zaim Gega së bashku me familjen e tij jetojnë në Marikaj. Ata jetojnë në një dhomë në rrezik shembje, ku fatura e dritave vjen 90 mijë lekë, por ndihma ekonomike për kryefamiljarin është vetëm 20 mijë lekë. Zaimi është invalid me 1 këmbë dhe tregon gjithë vështirësitë me të cilat duhet të përballet.
“Para ca kohësh më ulën dhe kempin 5 mijë lekë, pa më dhënë asnjë shpjegim. Ilaçet i marr me lekë borxh, emrin e kam në listat e 3 dyqaneve. Dua veç drejtësi. Çfarë më takon. Nuk mora asnjë ndihmë as kur ra tërmeti, as me pandeminë. Jemi krejt të braktisur. Një tërmet më i fortë, na zë brenda 3 vetë. Ata e dinë gjendjen time, por këta të vrasin natën e të qajnë ditën” – u shpreh kryefamiljari invalid.
Në banesën e kësaj familje ka qenë dhe Flamur Noka, i cili inkurajoi Zaimin se pas 25 prillit gjërat do të përmirësohen, teksa ndihma ekonomike do të dyfishohet dhe do të marr kujdesin shëndetësor pa sorollatje.
“Do ta ndryshojmë, se shteti nuk mund të të lërë me 20 mijë lekë të vjetra ndihmë. Ne do ta dyfishojmë ndihmën ekonomike, do të marrësh shërbimin shëndetësor që të takon, pa sorolltje si tani. Shqiperia ka ngelur mbrapa këto vjet, por ne , duhet ta ndryshojmë me votë që të ecim përpara. Ti ke nevojë për një qeveri që të mendojë për njerëzit. Për ata që janë në nevojë si ty, duhet një qeveri për njerëzit, që të mëndojë për ta. Kjo qeveri do të jeteë qeveria e PD.”- theksoi Flamur Noka./Opinion.al
