I vaksinuar apo jo, nëse infektohesh me koronavirus e përhap njëlloj sëmundjen, por diferenca bëhet nga forma e sëmundjes. Drejtori i Urgjencës Kombëtare, Skënder Brataj, në një intervistë për Televizonin Klan thotë se një i vaksinuar e transmeton sëmundjen njëlloj tek të tjerët, por për vete ai bën forma të lehta të sëmundjes dhe nuk shkon në fatalitet.
Duke u përballur me këtë fakt, specialistët apelojnë për vaksinim tek të gjithë personat mbi 18 vjeç, duke përjashtuar disa kategori.
Që prej fillimit të procesit të vaksinimit në Janar janë injektuar mbi 1 milion e 700 mijë vaksina, por nuk patur raportime për efekte të rëndësishme. Bazuar në të dhënat e Ministrisë së Shëndetësisë deri më tani është raportuar për dhimbje, apo skuqje në vendin e injektimit./Tv Klan
