Pasi kryetarja e Kuvendit, Lindita Nikolla lexoi njoftimin e PD për zgjedhjen e Bashës kryetar të grupit parlamentar, Gazment Bardhi është parë duke debatuar me Lulzim Bashën, në një kohë kur Berisha kishte marrë fjalën për të folur.
“Sot në orën 9 kam marr një njoftim nga PD e cila më drejtohet që në zbatim të rregullores së parlamentit, më vënë në dijeni se kryetari i grupit është Basha”, tha Nikolla.
Bardhi dhe Basha, u dukën të nervozuar dhe shkëmbyen disa fjalë më njëri-tjetrin, teksa ishin ulur ngjitur në nisjen e sesionit të ri parlamentar.
Ndërkohë menjëherë pas fjalës së kryetares Nikolla për lajmërimin se kryetari i grupit parlamentar të PD është Lulzim Basha, në sallë kanë shpërthyer të qeshurat në radhët e disa deputetëve demokratë.
Pas Berishës, Gazment Bardhi mori fjalën në foltore dhe tha se kreun e grupit parlamentar të PD nuk mund ta zgjedhë mazhoranca.
