Dy të rinj 24-vjeçarë kanë mbetur të plagosur pas të shtënave me armë zjarri në Shkodër. Ata janë Erison Gjoka dhe Ndue Pali, që sipas policisë raportohet të jenë jashtë rrezikut për jetën.
Informacionet paraprake thonë se autorët janë larguar me një makinë tip “Audi” të zezë. Policia dhe FNSH në vendngjarje kanë rrethuar zonën e quajtur “Fermentim” dhe po punohet për zbardhjen e rrethanave.
Kujtojmë se brenda këtij muaji qyteti verior është tronditur nga disa vrasje.
Informacioni nga Policia
Në lagjen Skënderbeg, Shkodër, në afërsi të ish-Fermentimit të duhanit, rreth orës 20:10, në rrethana ende të paqarta janë plagosur në këmbë me armë zjarri shtetasit E. Gj., 24 vjeç dhe N. P., 24 vjeç, të cilët janë transportuar në Spital ku ndodhen jashtë rrezikut për jetën.
Në vendngjarje kanë mbërritur shërbimet policore të DVP Shkodër dhe FNSH.
Është rrethuar në një perimtër të gjerë zona ku ka ndodhur ngjarja dhe vijon krehja e saj nga shërbimet e Policisë Shkodër dhe të FNSH-së.
Janë ngritur pika kontrolli në hyrje-dalje dhe vijojnë kontrollet në të gjithë zonën.
Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorëve. /Opinion.al
