Policia identifikon dhe vijon kontrollin e zonës për kapjen e autorit të kërcënimit për vënie gjobë ndaj një biznesmeni.
Është identifikuar autori që ka kërcënuar biznesmenin mbrëmjen e sotme në Bulqizë.
Policia njofton se biznesmeni Gëzim Balla është kërcënuar gjatë ditës në telefon nga një person me iniciale F.Sh. Ky i fundit i ka kërkuar Ballës të takohen në një vend ku ti sjellë një sasi lekësh në të kundërt e ka kërcënuar me jetë.
Biznesmeni është paraqitur në ambientet e Komisariatit të Policisë Bulqizë dhe ka bërë kallzim.
Policia ka shoqëruar biznesmenin në vendin ku i kishte kërkuar autori që të paraqitej.
Shtetasi F.Sh, i cili ishte fshehur rreth 500 metra në shpatin e malit, ka qëlluar në ajër dhe është larguar me shpejtësi.
Shërbimet e policisë kanë rrethuar zonën dhe vijon krehja për kapjen e autorit. /Opinion.al
