Janë zbuluar identitetet e të plagosurit dhe autorit të ngjarjes së ndodhur mëngjesin e sotëm në Fushë-Krujë.
Nga të shtënat me armë zjarri ka mbetur i plagosur Luan Hushi, ndërsa autor është Klodian Keqi.
Hushi është qëlluar me armë në një zonë të pyllëzuar nga bashkëfshatari i tij. Sipas policisë ngjarja ka ndodhur për motive banale.
Policia po kreh zonën pë të vënë në pranga autorin.
“Rreth orës 09:45, në fshatin Zgërdhesh, Krujë, pas një konflikti për motive të dobëta, shtetasi L. H, rreth 55 vjeç, është plagosur me armë zjarri nga shtetasi K.Q, i cili është larguar menjëherë pas ngjarjes.S hërbime të shumta policie kanë shkuar në vendin e ngjarjes për të bërë të mundur kapjen e autorit. Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe sekuestrimin e të gjitha provave me qëllim dokumentimin ligjor të kësaj ngjarjeje.”, njofton policia.
