Një nxënës i mitur ka qëlluar me armë zjarri në shkollën fillore në Llukavac afër Tuzllës të Bosnje e Hercegovinës, ka konfirmuar kryetari i komunës së Lukavacit, Edin Deliç.
Në një postim të shkurtër në rrjetet sociale, Deliç shkruan se autori është një fëmijë i mitur, i cili është arrestuar nga forcat policore.
Kryebashkiaku konfirmoi gjithashtu se mes nxënësve nuk ka të lënduar, ndërsa u kërkoi prindërve që të mos përhapin panik.
“Një ditë e vështirë,” shkroi Delic.
Identiteti i të plagosurit nga të shtënat nuk është bërë ende i ditur, por autoritetet thanë se inicialet e emrit të tij janë O.N., i cili është shtruar në Qendrën Klinike Universitare të Tuzlës, ku po i nënshtrohet një operacioni.
Policia në një deklaratë të shkurtër tha se të shtënat janë raportuar në orën 9 të mëngjesit në shkollën fillore në Lukavac Grad.
Mediat lokale raportojnë se seanca e rregullt e Këshillit të Qytetit të Lukavacit është ndërprerë për shkak të aksidentit./Opinion.al
