Të shtena me armë zjarri janë regjistruar pasditen e sotme në qytetin e Vlorës.
Bëhet me dije se ngjarja ka ndodhur pranë shkollës “24 Maj”, në afërsi të zonës së quajtur Tregu i Orizit.
Sipas informacioneve nuk raportohet për të lënduar, teksa shkaku i ngjarjes është bërë një konflikt çasti.
Ndërkohë policia ka rrethuar zonën dhe ka shoqëruar në komisariat për veprime të mëtejshme disa persona.
“Më datë 09.03.2021, rreth orës 18:56, pranë shkolles ’24 Maji’, Vlorë, pas një konflikti të çastit, dyshohet se është qëlluar një herë në ajër me armë zjarri.
Nga verifikimet e deritanishme të bëra nga shërbimet e Policisë, nuk ka persona të dëmtuar.
Shërbimet e Policisë po krehin zonës për të bërë të mundur kapjen e autorit që ka qëlluar me armë zjarri në ajër.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, njofton policia e Vlorës.”/Opinion.al
