Të shtëna me armë janë regjistruar te zona Kodra e Diellit në Tiranë. Mësohet se nga të shtënat ka mbetur i plagosur një person , i cili ndodhet jashtë rreziku për jetën.
Policia bën me dije se rreth orës 21:50, është paraqitur në Spitalin e Traumës për ndihmë mjekësore, shtetasi Jonian Shehu, 35 vjeç, i plagosur me armë zjarri.
Mësohet se 35-vjeçari është qëlluar me armë zjarri nga fqinji i tij Olsi Bllaci i cili është shpallur në kërkim nga policia.
Grupi hetimor po punon për sqarimin e rrethanave të ngjarjes . Vijon kontrolli i zonës për kapjen e autorit të dyshuar të ngjarjes.
