Të shtëna me armë zjarri janë raportuar këtë të shtunë në Shkodër.
Policia ka njoftuar se ngjarja ka ndodhur në lagjen “Skënderbeg”.
Mësohet se kanë qenë dy persona që kanë pasur një konflikt të çastit për motive të dobëta dhe njëri prej tyre ka qëlluar me pistoletë.
Paraprakisht dyshohet se ai ka shtënë në ajër dhe më pas është larguar.
“Rreth orës 16:00, dyshohet se gjatë një konflikti të çastit, për motive të dobëta, në lagjen “Skënderbeg”, midis shtetasve R. M. dhe E. Ç., ky i fundit ka qëlluar me armë zjarri pistoletë dyshohet në ajër, dhe më pas është larguar. Nuk ka persona të lënduar.
Shërbimet e Policisë, me marrjen e njoftimit, shkuan menjëherë në vendin e ngjarjes dhe falë veprimeve të shpejta hetimore bënë të mundur identifikimin e autorit të dyshuar, shtetasit E. Ç., dhe vijon krehja e zonës për kapjen e tij”,njoftuan uniformat blu./Opinion.al
