Të shtëna me armë zjarri janë shënuar në Durrës mbrëmjen e sotme, nga një person me qëllim kërcënimin e një tjetri.
Nga të shtënat fatmirësisht nuk pati asnjë person të lënduar. Policia shkoi në vendngjarje dhe nisi menjëherë hetimet.
Specialistët për Krimet në Komisariatin e Policisë Durrës kanë identifikuar dhe vënë në pranga autorin: Roland Peroj 27 vjeç, banues në Durrës.
Peroj, rreth orës 19: 20, në lagjen Nr. 16 Durrës dyshohet se pas një konflikti për motive të dobëta me R.B. 22 vjeç, banues po në qytetin bregdetar, e ka kërcënuar këtë të fundit duke qëlluar në ajër me armë zjarri. Nga të shtënat nuk ka persona të dëmtuar. Gjatë këqyrjes së vendit të ngjarjes janë gjetur dhe sekuestruar në cilësinë e provës materiale 5 gëzhoja, model 56, kalibër 7.62 mm.
Grupi hetimor vijon në dokumentimin e plotë të ngjarjes, pyetjen e autorit të dyshuar dhe të dëshmitarëve okularë, për zbardhjen e shkaqeve të konfliktit që përfundoi me të shtëna.
