Të shtëna me armë zjarri janë regjistruar në fshatin Çepe, Belsh, ku një 37-vjeçar gjatë nj konflikti për motive pronësie me një 29-vjeçar ka qëlluar me pistoletë në ajër.
Paraprakisht mësohet se shtetasi D.H., ka qëlluar me armë zjarri në ajër dhe është larguar nga vendi i ngjarjes. Ndërsa uniformat blu informojnë se janë vënë në ndjekje të autorit.
“Në fshatin Çepe, Belsh, shtetasi D.H., 37 vjeç, banues në Belsh, gjatë një konflikti për motive pronësie me shtetasin K.C., 29 vjeç, banues në fshatin Çepe, Belsh, dyshohet se ka qëlluar 1 herë me armë zjarri pistoletë në ajër dhe më pas është larguar.
Me marrjen e njoftimit shërbimet e Policisë menjëherë kanë shkuar në vendngjarje dhe janë vënë në ndjekje të autorit.
Grupi hetimor po punon për dokumentimin e plotë të rrethanave të ngjarjes dhe kapjen e autorit”,-njofton policia./Opinion.al
