Një operacion i Policisë Vendore të Lezhës në zonën e Kurbinit është shoqëruar me të shtëna me armë zjarri, pasi forcat blu kanë hasur në rezistencë gjatë kontrolleve për armëmbajtje pa leje.
Paraprakisht bëhet me dije se një person që dyshohet të jetë efektiv policie ka mbetur i plagosur dhe tre persona janë ndaluar, ku njëri prej të cilëve është arrestuar.
Operacionalet kanë qenë në aksion për kapjen e një personi në kërkim, kur janë dëgjuar të shtëna armësh në një lokal dhe kanë ndërhyrë.
Ngjarja ka ndodhur gjatë natës dhe pritet që policia të dalë me një njoftim zyrtar lidhur me rastin.
