Të shtëna me armë janë dëgjuar mbrëmjen e sotme në Tiranë, ndërsa policia ka shkuar në vendin e ngjarjes dhe ka nisur hetimet.
Burimet zyrtare nga Policia e Tiranës thanë se rreth orës 18:30, pas një telefonate është mësuar se në rrugën “Njazi Meka”, Allias, kishte të shtëna me armë zjarri.
Menjëherë janë dërguar Shërbimet e Komisariatit të Policisë Nr. 4 dhe Skuadra Shqiponjat, ku në adresën e dhënë kanë kontaktuar me shtetasin Q. C., i cili ka deklaruar se ishte konfliktuar me një drejtues mjeti tjetër ku ky i fundit kishte qëlluar një herë në ajër me armë zjarri.
Në vendin e ngjarjes është gjetur dhe sekuestruar në cilësinë e provës materiale një gëzhojë.
Janë ngritur pikat e kontrollit dhe po punohet për kapjen e drejtuesit të mjetit tip Ford.
