Të shtënat me armë zjarri të regjistruara pasditen e sotme në Tepelenë duket se kanë patur një objektiv. Sipas burimeve të policisë bëhet fjalë për sherr mes dy të rinjve, ndërsa është qëlluar në drejtim të Orjol Memushit, i cili cilësohet si person me precedent të mëparshëm.
Mësohet se Orjol Memushi është djali i ish-kryetarit të komunës Qendër në Tepelenë nga fshati Luzat dhe nip i Luan Memushajt, ish -ministrit të Arsimit.
NJOFTIMI I POLICISE
Njoftohemi se në lagjen “Mustafa Matohiti”, Tepelenë, ka të shtëna me armë zjarri. Menjëherë kanë shkuar shërbimet e policisë ku kanë konstatuar se: Në afërsi të Pallatit të Kulturës, ka pasur një konflikt të castit midis shtetasit D.R dhe O.M. Pas debatit me fjalë, shtetasi O.M ka hipur në automjetin e tij tip “Volkswagen” për tu larguar. Shtetasi D.R ka qëlluar me armë në drejtim të automjetit, ku është dëmtuar vetëm xhami i automjetit. Nga të shtënat nuk ka të lënduar. Grupi hetimor po punon për për zbardhjen e plotë të rrethanave të ngjarjes. Vijon puna për kapjen e shtetasit D.R. Të shtëna me armë zjarri në Tepelenë, policia në vendin e ngjarjes.
