Të paktën pesë persona kanë humbur jetën dhe gjashtë të tjerë u plagosën nga të shtënat të ndodhura në Kentaki, SHBA.
Nga informacionet zyrtare bëhet me dije se të paktën pesë persona kanë vdekur dhe gjashtë, mes tyre një polic, u plagosën gjatë të shtënave në qytetin e Louisville dhe pikërisht brenda Bankës së Vjetër Kombëtare.
Policia lokale konfirmoi se kishte ndërhyrë pas aksidentit, duke shtuar se “ka disa viktima të përfshira”.
Mediat lokale thonë se sulmuesi i ngjarjes tragjike ka vdekur, por është ende e paqartë se çfarë e shkaktoi vdekjen e tij.
Dëshmitarët që u larguan nga ndërtesa raportuan se kishin dëgjuar të shtëna.
Ndërkohë në një postim në Twitter, guvernatori i Kentakit, Andy Beshear, tha se po shkonte në vendin e të shtënave. “Ju lutemi lutuni për të gjitha familjet e prekura dhe për qytetin e Louisville,” shtoi Beshear./Opinion.al
