Një person ka humbur jetën dhe 20 të tjerë janë plagosur të dielën në mëngjes pas një sulmi me armë zjarri në një festival në Trenton, New Jersey.
Prokurori i Mercer County, Angelo Onofri tha në një konferencë për shtyp se 16 nga 20 të plagosurit janë dërguar në spital. Katër prej tyre janë në gjendje të rëndë, përfshirë një djalë 13 vjeçar.
Ai tha se dy të dyshuar hapën zjarr gjatë festivalit Art All Night, mbi artin e zonës, muzikën dhe ushqimin.
Një nga të dyshuarit e sulmit, rreth moshës 33-vjeç u vra.
Autoritetet thonë se rreth 1,000 vetë ishin në zonë kur filluan të shtënat.
Aktiviteti filloi të shtunën pasdite dhe ishte planifikuar të përfundonte të dielën pasdite.
