Të shtëna me armë zjarri janë regjistruar pak minuta pas mesnate në një kompleks pranë Yrshekut, zonë në periferi të Tiranës.
Policia njofton se persona ende të pa identifikuar kanë qëlluar me armë zjarri në drejtim të kompleksit në pronësi të shtetasit me inicialet E.Ç.
Nga të shtënat nuk ka pasur persona të lënduar, por vetëm dëme materiale.
Njoftimi i policisë
Më datë 15.06.2020, rreth orës 00:35, në Yrshek, në rrugën dytësore Tiranë-Vorë, është qëlluar me armë zjarri në drejtim të një kompleksi në pronësi të shtetasit E.Ç., 49 vjeç, ku ka vetëm dëme materiale.
Grupi hetimor dhe shërbimet e Policisë vijojnë punën për identifikimin dhe kapjen e autorit./ Opinion.al
