Një person ka mbetur i plagosur nga të shtënat me armë zjarri ditën e sotme në Dibër.
Sipas policisë, Besnik Selxhaferi, 46 vjeç, pas një konflikti për motive të dobëta, dyshohet se ka plagosur me armë zjarri Agron Delishin, 45 vjeç, i cili është transportuar më pas për ndihmë mjekësore në spital.
Ndërkohë, autori i dyshuar i ngjarjes është shoqëruar në Komisariat.
Njoftimi i policisë
Plagosi me armë zjarri një shtetas, kapet dhe shoqërohet në Komisariat autori i dyshuar.
Rreth orës 17.55, në qytetin e Peshkopisë, shtetasi B. S., 46 vjeç, pas një konflikti për motive të dobëta, dyshohet se ka plagosur me armë zjarri shtetasin A. D., 45 vjeç, i cili është transportuar për ndihmë mjekësore në spital.
Menjëherë kanë shkuar në vendin e ngjarjes forca të shumta policore dhe si rezultat i veprimeve të shpejta hetimore është kapur dhe shoqëruar në Komisariat autori i dyshuar.
Grupi hetimor nën drejtimin e Prokurorisë vijon hetimet për zbardhjen e plotë të rrethanave të ngjarjes./Opinion.al
