Të shtëna më armë zjarri janë dëgjuar gjatë natës në Fier. Sipas informacioneve paraprake mësohet se është qëlluar drejt një lokali në lagjen “Kastrioti”. Pronari ka lajmëruar policinë mëngjesin e sotëm kur ka gjetur xhamat e dyert të shpuara nga plumbat. Në vendin e ngjarjes nuk janë gjetur gëzhoja, pasi autorët dyshohet se kanë qëlluar nga makina. Për fat nuk pati njerëz të lënduar pasi lokali ishte i mbyllur. Policia ka bërë shoqërimin e disa personave për t’u marrë në pyetje. Në pyetje po merren dhe pronari dhe stafi i lokalit. Paraprakisht dyshohet si kërcënim ndaj pronarit të këtij lokali. Ndërkohë që janë sekuestruar kamerat e sigurisë së lokalit dhe disa bizneseve pranë tij.
Pamjet nga vendi i ngjarjes
