Një sherr për motive ende të panjohura ka ndodhur pas mesnate në ambientet e jashtme të një lokali në Sarandë. Policia tha se është qëlluar me armë dhe një person ka mbetur i plagosur jashtë rrezikut për jetën. Policia nuk jep informacione për autorin dhe shkaqet e ngjarjes, por thotë se kemi sekuesteruar mjetin BMW të tij.
Njoftimi i plotë i policisë për ngarjen:
Më datë 02.06.2018, rreth orës 03:10, në lagjen ”Nr.1”, jashtë ambienteve të një lokali është plagosur në shpatull me armë zjarri, (me një plumb rikoshetë) shtetasi A.R., 31 vjeç, banues në Konispol, (aktualisht jashtë rrezikut për jetën).
Është sekuestruar në cilësinë e provës materiale 1 predhë fisheku pistolete dhe 1 automjet BMW i cili dyshohet se mund të jetë i autorit.
Për arsye hetimore nuk bëhen të ditura të dhëna të tjera.
Grupi hetimor po punon për zbardhjen e plotë të rrethanave të ngjarjes dhe identifikimin e kapjen e autorit.
/Opinion.al
