Të paktën 13 persona kanë mbetur të plagosur nga disa të shtëna në qendër të Austin, Teksas.
Sipas njoftimit të policisë ngjarja ka ndodhur ditën e sotme dhe autori i dyshuar vijon ende të jetë i lirë.
Ndërkohë sipas Shefit të Përkohshëm të Departamentit të Policisë së Austin, Joseph Chacon dy nga të plagosurit raportohet të jenë në gjendje kritike.
“Nuk mund të them se rreziku për pjesën tjetër të publikut ka kaluar sepse i dyshuari nuk është ndaluar akoma. Në këtë pikë ai është i izoluar në këtë zonë”, tha Chacon.
Incidenti ndodhi rreth orës 01:30 të mëngjesit dhe nuk është raportuar asnjë viktimë deri tani.
“Nuk është e qartë se çfarë e nxiti këtë ngjarje. Ne kemi njoftuar edhe FBI-në për terrorizëm”, tha Chacon./Opinion.al
KOMENTO (0)
