Policia e Tiranës ka vënë në pranga 3 persona të shpallur në kërkim, për vepra të ndryshme penale.
Mësohet se 3 shtetasit akuzohen për veprat penale “Prodhimi dhe shitja e narkotikëve”, Mashtrimi” dhe “Shkelja e rregullave të qarkullimit rrugor”.
“Shërbimet e Komisariatit të Policisë Nr. 3 në bashkëpunim me Specialistët e Seksionit për Hetimin e Narkotikëve, kapën e ndaluan shtetasin në kërkim E. L., 30 vjeç, me masë sigurie “Arrest në burg”, nga Gjykata e Tiranës, për veprën penale “Prodhimi dhe shitja e narkotikëve”.
Specialistët e Seksionit për Hetimin e Krimit Ekonomik dhe Financiar ndaluan shtetasin në kërkim E. P., 25 vjeç, me masë sigurie “Arrest në burg”, nga Gjykata e Tiranës, për veprën penale “Mashtrimi” i kryer në bashkëpunim.
Specialistët për Hetimin e Krimeve të Komisariatit të Policisë Nr. 1 kapën shtetasin e shpallur në kërkim A. Gj, 23 vjeç, i dënuar me 1 vit e 6 muaj burgim, nga Gjykata e Tiranës, për veprën penale “Shkelje e rregullave të qarkullimit rrugor”, njofton policia.
Materialet procedurale iu referuan Prokurorisë, për veprime të mëtejshme.
