-Shëndeti

Të sëmurë, por pa simptoma


Bëhu pjesë e Grupit Zyrtar të Opinion.al
>> KËTU <<
               Publikuar në : 22:30 - 02/08/20 |
el ida

Shumë raste të COVID-19 mendohet të jenë të buta, por individët e infektuar me pak ose aspak simptoma të raportuara janë gjithsesi ngjitës dhe në gjendje ta përhapin virusin. Plus, virusi ka një periudhë të gjatë inkubacioni, që do të thotë shumë nuk do të shfaqin simptoma për ditë të tëra, pas infeksionit. Së bashku, këta dy faktorë rezultojnë në shumë njerëz të infektuar që po përhapin virusin pa e ditur. Këta janë bartësit asimptomatikë, dhe ata janë një nga arsyet që përhapja e sëmundjes ka qenë aq e vështirë për t’u kontrolluar.

Edhe kur nuk ka një pandemi, shumë njerëz transmetojnë virusin teksa ndjekin jetën e tyre të përditshme. Në një studim të botuar në revistën Science në Mars, një ekip zbuloi se përpara se Kina të miratonte kufizimet e udhëtimit në 23 janar, 86 përqind e rasteve të COVID-19 ishin të padokumentuara, dhe ato infeksione të padokumentuara ishin burimi i 79 përqind të rasteve të dokumentuara.

Ka të ngjarë të ketë një lidhje midis ashpërsisë së simptomave dhe sasisë së virusit që trupi juaj po transmeton, thotë Jeffrey Shaman, drejtor i programit të klimës dhe shëndetit në Shkollën e Shëndetit Publik Mailman dhe autor i studimeve të vitit 2020 dhe 2018.

Eshtë e arsyeshme që nëse një person është më i sëmurë dhe kollitet më shumë, për shembull, mund të përhapin më shumë viruse në komunitet dhe mund të jenë më ngjitës. Por për shkak të numrit të madh të njerëzve me raste të padokumentuara të COVID-19, ata bëhen pjesa më e madhe e transmetuesve, thonë shkencëtarët./Opinion.al

Pas