Të rinjtë e opozitës mendojnë se zgjidhja e vetme për të ndaluar emigrimin masiv të shqiptarëve drejt Europës është dëbimi i Edi Ramës, Fatmir Xhafës, Saimir Tahirit dhe shpurës së rilindjes në emigrim që të rrinë 2 milionë shqiptarë në vendin tonë.
FRPD dhe LRI protestuan edhe pasditën e sotme përballë Ministrisë së Brendshme, duke theksuar se 1 milion shqiptarë në tre vjet kanë plotësuar formularin e lotarisë amerikane, ndërsa 110 mijë të rinj zyrtarisht kanë kërkuar azil në vendet e BE-së.
“290 mije qytetare nuk sigurojne dot ushqim te mjaftueshem. 10% e femijeve ushqehen vetem nje here ne dite. 50 mije femije shfrytezohen ne pune te renda. 12 kryefamiljare jane vetevrare se s’paguanin dot faturen e energjise elektrike”, tha kreu FRPD-së, Belind Këlliçi.
Këlliçi theksoi se dy ministra të Brendshëm të Edi Ramës janë faktuar si bashkëpunëtorë të trafikantëve të drogës. Ai deklaroi se ky është realiteti i Shqipërisë me Edi Ramën. Këlliçi shtoi se kjo është e vërteta që fasadoqeveria kërkon ta fshehë me ndihmën e parave të drogës dhe krimit.
“Shqipëria është kthyer në diktaturë, drejtësia ka vdekur, rendi është në duar të krimit, kryetari i opozitës survejohet nga policia dhe narko-kryeministri na shet përralla me punësim dhe zhvillim”,-tha ai.
Sipas tij, po nuk reaguam sot, nesër narko-kryeministri nuk do të na mohojë veç fjalën por do të na kërcënojë dhe jetën. O sot o kurrë të shporrim narko-kryeministrin që rri si korb mbi kokat e shqiptarëve. Të çojmë në emigrim
Edi Ramen
Fatmir Xhafen
Saimir Tahirin
Vangjush Dakon
Gramoz Rucin
Taulant Ballen
Qazim Sejdinin
Erion Veliajn
Ilir Beqjan
Termet Pecin
Artur Bushin
Arben Ahmetajn
Damian Gjiknurin
Lindita Nikollen
që të qëndrojnë 2 milionë shqiptarë këtu, që rinia të jetojë në Shqipërinë Europiane…
