Të rinjtë e FRPD vijuan sot protestën pranë Ministrisë së Brendshme për largimin e Fatmir Xhafës. Në mënyre simbolike të rinjt vendosën përpara ministrisë një ekspozitë me “meme” të bëra nga të rinj të pa angazhuar politikisht, rrjete të ndryshme sociale si dhe Genc Sejko, të cilat tregojne se si vepron drejtësia e Edi Rames.
Kuksianët janë ende në burg, Tahiri i lirë e Xhafa ministër. Për 3 mijë lekë faturë energjie të pa paguar kryefamiljarët janë shtyrë drejt vetvrasjes ndërsa Fatmir Xhafa është ministër dhe pse ka fshehur nga drejtësia të vellain të dënuar për trafik droge, edhe përse ai është subjekt i ligjit Antimafia për shkak të dënimit me 7 vite burg për trafik droge në Itali të vëllait të tij.
Këto meme pasqyrojnë më së miri ironinë therëse me të cilën të rinjtë shqiptarë trajtojnë Edi Ramën, Fatmir Xhafën e Saimir Tahirin në rrjetet sociale. Tashmë kjo treshe e cila po bllokon integrimin e Shqipërisë në Europë është targeti kryesor i talljes së të rinjve shqiptarë.
