Një studim i ri ka zbuluar se homoseksualiteti nuk është zgjidhje gjatë jetës, por është e rrënjosur në biologjinë e një personi.
Kërkimet nga Universiteti NorthShore në Illinois, kanë gjetur shënues gjenetikë që mund të zbulojnë nëse një njeri është homoseksual.
Shkencëtarët studiuan ADN-në e më shumë se 2.000 njerëzve dhe lokalizuan dy vende të kromozomeve që mund të lidhen me seksualitetin.
Studimi është përshkruar si ‘i dobët’ nga shkencëtarët e pavarur dhe autorët e studimit pranojnë se lidhja është ‘spekulative’.
Megjithatë, ata thonë se hulumtimi mund t’i ndihmojë ata të afrohen më shumë me gjetjen e të ashtuquajturve “gjene homoseksuale”.
Debati është përhapur gjerësisht në mesin e komunitetit shkencor nëse orientimi seksual është i përcaktuar biologjikisht, rezultat i shkaqeve mjedisore ose i një kombinimi faktorësh.
Studimi i fundit nuk ka të ngjarë që të zgjidhë këtë debat, por nuk është aspak i pari që përpiqet dhe pretendimi se meshkujt homoseksualë kanë një ‘gjen homoseksual’ kanë krijuar një zemërim në vitet 1990.
