Të ndërruarit e pelenave, mundimi për të ruajtur balancën mes punëve dhe higjenës personale, ushqimi i bebit, apo gjëra si këto nuk janë aspak shaka. Të kujdesesh për një fëmijë është një punë me kohë të plotë. Në fakt më shumë se aq, sipas llogaritjeve një nënë harxhon 98 orë në javë duke u kujdesur për fëmijën, dhe kjo është e barazvlefshme me 2 punë e gjysmë.
Në këtë përfundim kanë arritur sociologët pasi kanë analizuar përditshmërinë e 2000 nënave me fëmijë deri në moshën 12 vjeçare.
Nëse do ta krahasojme me kushtet e punës, një nënë punon 14 orë në ditë me dy turne, për 7 ditë në javë, pra kjo do të thotë që i tejkalon edhe orët e një pune normale. Pra një nënë me fëimijë të vegjël ka mesatarisht vetëm 1 orë e 7 minuta kohë në ditë për tu kujdesur për veten.
Në këto kushte, nënat janë padyshim heroinat e vërteta pasi pavarësisht angazhimit të tyre, ja dalin të menaxhojnë kohën dhe t’i bëjnë të gjitha.
