Ndërsa forcohen masat parandaluese kundër koronavirusit, në të paktën dy raste të prekurit kanë fshehur historitë e udhëtimit duke mos i raportuar. Në këto kushte, Policia e Shtetit ka bërë më dije, se ka identifikuar gjithë qytetarët që kanë hyrë ditët e fundit nga shtetet e prekura nga COVID-19 dhe u kërkon atyre të vetëkarantinohen për një periudhë 2 javore.
“Për të parandaluar përhapjen e virusit, këta qytetarë duhet të vetë-karantinohen për 2 javë. Policia e Shtetit po telefonon çdonjërin nga këta qytetarë, duke u kujtuar përmbushjen e detyrimit, në të kundërt do të pērballen me masa ligjore”, thuhet në njoftimin e policisë. /Opinion.al
