Dyzet vajza dhe gra me emrin Saranda, disa muaj më parë, udhëtuan nga Kosova drejt qytetit me të njëjtin emër në jug të vendit.
Udhëtimi i tyre ngjalli interes kudo nëpër Shqipëri, jo vetëm për idenë interesante, por edhe sepse emrat shqiptarë sa vijnë e po bëhen më të rrallë mes fëmijëve të sapolindur.
Nisur nga ky fakt, pra pakësimi i emrave shqiptarë mes fëmijëve, shoqata ‘Labëria’ ka organizuar një aktivitet ku mes të tjerëve ka qenë i pranishëm edhe ambasadori i Shqipërisë në Kosovë, Qemal Minxhozi.
Gjatë këtij takimi, Minxhozi bëri me dije se është duke u organizuar një tjetër udhëtim mes grave dhe vajzave me emrin Vlora, drejt qytetit që u ka dhënë emrin.
“Vetëm Kosova ka mbi 7000 vajza e gra të quajtura Vlora, që po punojmë të organizojmë një ekskursion në qytetin e Vlorës, siç realizuam me 50 vajza e gra me emrin Saranda që i çuam në Sarandë”, citon KultPlus ambasadorin Minxhozi.
