Shqipëria u rendit e parafundit në Europë për Indeksin e Kujdesit Shëndetësor në gjysmën e parë të vitit 2020 nga Numbeo, portali më i madh global për kostot e jetesës dhe të dhënave për cilësinë e kujdesit shëndetësor.
Ish-deputetja e Partisë Demokratike, Orjola Pampuri akuzon qeverinë për këtë gjendje dhe sjell në vëmendje premtimet e kryeministrit Rama në 2013 për shëndetësi falas.
Ajo denoncon gjithashtu tenderin e check up-it dhe kushtet në sistemin shëndetësor.
“Shqiperia, vendi ku para 7 vitesh u trumbetua per shendetesine falas, nje show propagandistik i cili vit pas viti u tkurrr e sot as kryeministri e as kukullat e tij ne qeveri nuk e permendin me, u vijua me pas me te ngjashmin e ketij deshtimi check up-in, te cilin po e mbajne ne kembe me paterica, nje nga koncensionet me abuziv dhe te deshtuar ne shendetesi, e duke vijuar me kushtet mizerabel ne sistemin shendetesor, pagat me te uleta te mjekeve ne rajon, per te mos folur me pas ne Europe, numrin me te vogel te mjekeve per 1000 banore, nivelin me te ulet te financimeve publike ne shendetesi thuajse 3% kur ne vende te tjera variojne nga 4-7 %, e me radhe ku mund te listosh mangesi pafund, per ta finalizuar me deshtimin e rradhes ate te menaxhimit te situates prej Covid 19. Sukseset imagjinare te kesaj qeverie po rendojne cdo dite e me shume mbi ekonomine, shendetin dhe rrjedhimisht po pengojne Shqiperine ne rrugetimin e rendesishem drejt familjes se madhe Europiane.”, shkruan Pampuri. /Opinion.al
