Në Evropë, në përfundim të ndeshjeve të kombëtareve për Rusi 2018, do të kthehen kampionatet kombëtare. Nga Seria A deri te Premier League, fundjava ofron përballje interesante, me rivalitet të madh dhe të rëndësishme për renditjen. Në Itali super sfida e kësaj jave do të luhet në “San Paolo” (ora 15:00) ku Napoli, pa të dëmtuarin Milik do të presë Roma-n e Spaletti-t. Në Angli Liverpool do të presë në shtëpi Manchester United, në atë që konsiderohet derbi i Anglisë (17 tetor, 21:00).
Renditja në kampionatin italian i buzëqesh skuadrës së Allegri-t, por pavarësisht avantazhit prej 4 pikësh ndaj Napoli-t, “Zonja e Vjetër” është jashtë këtij klasifikimi të veçantë që, të paktën për momentin, kurorëzon vetëm ato ekipe që nuk kanë pësuar akoma asnjë humbje në kampionat. Nga “BIG”-ët Bayern Munich dhe Real Madrid, te disa surpriza si Nice e udhëhequr nga Mario Balotelli, me 6 fitore dhe 2 barazime pas 8 ndeshjes. Mbrapa francezëve është skuadra e vetme e Premier League që është përfshirë në këtë listë: Tottenham, me 5 fitore, 2 barazime në 7 ndeshje. Real, Atletico Madrid dhe Villarreal përfaqësojnë La Liga-n, ndërsa ka plot 4 skuadra nga Bundesliga.
https://youtu.be/4A2Dxugornc
Renditja e skuadrave të pamposhtur në 5 kampionatet kryesore të Europës
- Nice – 8 ndeshje, 6 fitore dhe 2 barazime
- Tottenham – 7 ndeshje, 5 fitore dhe 2 barazime
- Real Madrid – 7 ndeshje, 4 fitore dhe 3 barazime
- Atletico Madrid – 7 ndeshje, 4 fitore dhe 3 barazime
- Villarreal – 7 ndeshje, 3 fitore dhe 4 barazime
- Bayern Munich – 6 ndeshje, 5 fitore dhe 1 barazim
- Koln – 6 ndeshje, 3 fitore dhe 3 barazime
- Hoffenheim – 6 ndeshje, 2 fitore dhe 4 barazime
- RB Leipcig – 6 ndeshje, 3 fitore dhe 3 barazime
