Të paktën 60 persona kanë humbur jetën si pasojë e sulmeve kamikaze në Afganistan. Lajmin e ka bërë të ditur Ministria e Shëndetit Publik në Afganistan.
Nga ana tjetër, sipas AP mes viktimave janë edhe 12 ushtarë amerikanë, më konkretisht 11 marinsa dhe një mjek ushtarak.
Si pasojë e shpërthimeve në aeroportin e Kabulit mbetën të plagosur të paktën 140 persona.
Sipas SHBA ky ishte një sulm i koordinuar i ISIS, por ende janë duke u bërë verifikime. Mediat raportojnë edhe për një shpërthim të tretë, por ende nuk ka asgjë të konfirmuar kurse numri i viktimave pritet të rritet.
