Përplasjet e ditës së dielë mes Armenisë dhe Azerbajxhanit kanë shkaktuar të paktën 16 viktima, ushtarakë dhe civilë sipas Reuters.
Konflikti i armatosur mes dy vendeve ndodhi për krahinën e Nagorno-Karabakh, e cila ndodhet në Azerbajxhan por administrohet nga popullsi me etni armene.
Zyrtarët e Nagorno-Karabakh thanë se 16 ushtarë dhe civilë u vranë dhe më shumë se 100 u plagosën nga bombardimet nga ajri dhe sulmi i artilerisë së forcave azere, të dielën. Armenia dhe Nagorno-Karabakh deklaruan ligjin e luftës dhe mobilizuan qytetarët meshkuj.
Azerbajxhani gjithashtu deklaroi ligjin e luftës, dhe iu kundërpërgjigj sulmeve armene, ku 5 anëtarë të një familje vdiqën. Forcat tij ushtarake pushtuan 7 fshatra në kufi me Armeninë.
Kjo ishte përplasja më e ashpër mes dy vendeve që prej vitit 2016, duke ringjallur shqetësimin për stabilitetin në Kaukazin e Jugut, një korridor për tubacionet që transportojnë naftë dhe gaz në tregjet botërore.
Rusia bëri thirrje për armëpushim, ndërsa Turqia u shpreh se do të mbrojë Azerbajxhanin.
Presidenti i SHBA-ve Trump bëri thirrje për armëpushim, duke dënuar dhunën dhe retorikën pro dhunës që përkeqëson situatën./ Opinion.al
