Një konflikt mes dy personave të hënën në darkë në kryeqytet ka degjeneruar në përdorimin e armës.
Ngjarja ka ndodhur në rrugën ‘Shefqet Musaraj’, rreth orës 21:10.
Policia tha se shtetasi L. L., rreth 35 vjeç (pronari i lokalit) për motive të dobëta është konfliktuar me një shtetas tjetër ende të paidentifikuar, i cili gjatë konfliktit ka qëlluar me armë zjarri.
Nga të shtënat nuk ka persona të lënduar.
Në komisariat është shoqëruar pronari i lokalit për veprime të mëtejshme hetimore.
Ndërsa, po punohet për identifikimin dhe shoqërimin e shtetasit tjetër të përfshirë në konflikt./Opinion.al
