Aktualitet

“Të mos ndahen njerëzit sipas vaksinave”, Rama: Të lejohet lëvizja në BE


Bëhu pjesë e Grupit Zyrtar të Opinion.al
>> KËTU <<
               Publikuar në : 19:15 - 27/05/21 |
Opi Nion

 Në konferencën e zhvilluar ditën e sotme me ministrin gjerman për Europën, Michael Roth, kryeministri Rama përmendi edhe çështjen e lëvizjes në vendet e BE.

Gjatë fjalës së tij Rama theksoi se është e rëndësishme lëvizja e lirë në vendet e BE edhe e personave që kanë marrë vaksina kineze apo ruse. Më tej, Rama kërkoi ndihmën e ministrit gjerman për këtë çështje, të cilit i kërkoi ta ndihmojë për të përçuar këtë mesazh.

“Do të ishte shumë më e rëndë sesa shtyrja e vendimit për miratimin e kornizës negociuese të konferencës së parë ndërqeveritare pamundësimi i qytetarëve të Ballkanit për të udhëtuar në Europë normalisht për shkak të ndarjes së tyre në dy kategori, kategoria e atyre që kanë bërë vaksinë perëndimore dhe kategoria e atyre që kanë bërë vaksinë lindore. Unë shpresoj që të mos ndodhë kështu dhe uroj që ju dhe miqtë e tjerë të na ndihmoni që ta përçojmë këtë mesazh. Nuk ka arsye që të ndahen njerëzit në kategori kur bëhet fjalë për të drejtën e tyre të lëvizjes së lirë në bazë të rregullave”, u shpreh Rama./Opinion.al

Pas