Mandarinat ofrojnë 28 % të normave të rekomanduara ditore për vitaminë C dhe kjo e fundit është antioksidant i fuqishëm, i cili neutralizon radikalet e lira duke përfshirë edhe ato të cilat vijnë si rezultat i rrezeve të diellit. Vitamina C po ashtu rekomandohet për persona të prekur nga të gjitha llojet e gripit.
Mandarinat edhe përmbajnë Beta-carotene i cili funksionon si antioksidant por që mund të shndërrohet në retinol, formë kjo e vitaminës A e cila shfrytëzohet nga qelizat e syve për shikim dhe po ashtu ndihmon sistemin imunitar.
Këto agrume përmbajnë gjithashtu sasi të mjaftusheme të fibrave, të cilat janë shumë të rëndësishme kundër kapsllëkut, problemeve gastrointestinale, si dhe ndihmojnë në mirëmbajtjen e nivelit të duhur të sheqerit në gjak dhe përpunimit të ushqimit.
